Предновогодишен протестен настан: Во Новата година со стариот ГТЦ!

ПОЧИТУВАНИ СОГРАЃАНИ,

Постојат моменти кога ние, мирните и обични граѓани на Скопје, мора јасно и гласно да го искажеме нашиот став.
Дојден е моментот во кој треба да покажеме дека ние пресудуваме за иднината на градот и за нашата иднина во него.
Ве повикуваме на заедничка акција за зачувување на архитектурата, карактерот и духот на нашиот Градски Трговски Центар - ГТЦ, затоа што секоја негова несоодветна промена е сквернавење и на нашите спомени и лични истории.
ГТЦ е нераскинлив дел од Идентитетот на Скопје, негов знак за препознавање, наше градителско, историско и културно Наследство. 
ГТЦ е повеќе од зграда, тоа е еден Модерен градски Предел и Пејзаж кој му ја донесе Модерноста на градот, како негово цивилизациско „впишување“.

ГТЦ Е СЛОБОДА И ПРАВО НА ГРАД!

ГТЦ мора да остане отворен, проточен за пешачко движење, функционален, автентичен, градски...

ГТЦ треба да се реконструира, но автентично, треба да се „подмлади“, за да блесне во сиот сјај! Треба да заживее кровната тераса, да се интервенира со нова програма, а не со кулиси.

ГТЦ е Срцето на градот кое чука за сите нас, а наша должност е да го сочуваме за генерациите што доаѓаат.

Дојдете пред ГТЦ на 28.12,2014 (недела) во 19:00, достоинствено да застанеме на „барикадата“ која не смее да падне!
Дојдете да си го гушнеме, да си го стоплиме!



Ќе има јавни говори, музика и ќе направиме жив ѕид околу ГТЦ.

За ГТЦ ќе зборуваат: Даница Павловска Циги, Сања Раѓеновиќ Јовановиќ, Мартин Гулески, Донка Барџиева Трајковска, Василка Димитровска, Јовица Ивановски и Томислав Османли.

Музичка поддршка ќе дадат: Ана Костовска, Лева Патика, Мирко Попов, The Џака Накот, Костадин Шурбановски, Симон Киселички, Збир од Скопски анонимни музичари. 
А настанот ќе го водат: Огнен Јаневски, Марин Бабиќ и Сања Арсовска.

Да порачаме дека Скопје го сака ГТЦ! 

Да порачаме дека треба да му се посвети вниманието што го заслужува и да се зачуваат неговата посебност и квалитети.

Во Новата година со стариот добар ГТЦ!

**********

Настанот е инициран од иницијативата ГО САКАМ ГТЦ, а е поддржан од Асоцијацијата на архитекти на Македонија и граѓани кои го сакаат и ценат ГТЦ.

Facebook настан: тука 
Промотивни материјали: тука
Во новата година со стариот ГТЦ: видео
Покана за настанот од јавни личности: групно видео; одделни видеаЏингл: тука
За информативен пулт: тука

Контакт:
Е-mail: GoSakamGTC@gmail.com
Facebook: www.facebook.com/GoSakamGTC
Blog: www.GoSakamGTC.blogspot.com
Twitter: www.twitter.com/GoSakamGTC

Информативен пулт - Го сакам ГТЦ

Од 12.12.2014, петок, од 17:00, започнуваме да ги информираме нашите сограѓани за настанот на 28-ми и заложбата за автентично идно третирање на ГТЦ, преку информативен пулт поставен во центарот на градот.
Додека чекаме одговор од Град Скопје за локацијата пред ГТЦ кон плоштадот, ќе бидеме лоцирани на почетокот од улица Македонија, исто така кон плоштадот, за која добивме одобрение од Општина Центар.
Ќе бидеме таму секој ден до настанот освен недела од 17:00 до 21:00, а некогаш и од порано, од 14:00.

Секој ден на штандот ќе има различен домаќин - архитекти, активисти, јавни личности.
 

**********
За да бидеме присутни поголем дел од деновите и во јавен простор, сечија добронамерна поддршка е добредојдена.
Секој кој може да волонтира во активностите, може да се пријави преку порака на e-mail: GoSakamGTC@gmail.com или да се запише на списокот кој ќе биде оставен на штандот.

Заедно за ‪#‎ГТЦ‬, заедно за срцето на градот!

 

Покана за настанот за одбрана на ГТЦ

Архитекти, уметници, новинари, граѓани... го потврдуваат своето присуство на големиот настан за одбрана на ГТЦ на 28.12.2014 од 19:00 и ги покануваат останатите сограѓани да им се приклучат!

Дај ја својата поддршка и ти! 

Во споделување на информацијата, поделување флаери, снимање изјава, пишување за ГТЦ, присуство на 28-ми покрај ГТЦ.
Секој добронамерен и креативен начин на поддршка е добредојден.
Контактирајте нè на: GoSakamGTC@gmail.com или на информативниот штанд кој ќе биде поставен на почетокот од улица Македонија кон плоштадот од 12.12.2014 (петок) од 17:00.

Заедно за ГТЦ да остане градски!
Во Новата година со стариот добар ГТЦ!

Го сакам ГТЦ vol.6: ФОРУМ ГТЦ (повик)

Од минатонеделната работилница за деца

ГТЦ ФОРУМ продолжува и овој четврток. Овој настан е дел од серијата настани во склоп на иницијативата „Го сакам ГТЦ“ која е реакција на проектот за нова фасада и доградба на Градскиот трговски центар со кој целосно би се уништила архитектурата на објектот, како и неговата урбанистичка улога на „улица“ низ централното градско јадро, продолжува.

70% од објектот на ГТЦ е јавен простор. Тој, архитектонски, претставува „реплика“ на агора/форум, која ги канализира и физички ги опслужува општествените потреби на граѓаните на Скопје во последните четири децении. Во таа смисла, ГТЦ ФОРУМ претставува надоврзување на основната функција на овој објект како јавен простор.

Шестиот настан ќе се случи на 18.07.2013, четврток, во Паркот „Жена-борец“ со почеток од 20:00 часот и по четврт пат ќе биде во обликот на јавна трибина-форум.

Говорници кои го потврдиле учеството досега:

• Тони Димков
• Билјана Секуловска Ива
• Љупчо Бораниев
• Билјана Филиповска

Во дискусијата слободно ќе можат да се вклучат и сите граѓани кои сметаат дека за овој проблем треба да се разговара јавно.

На настанот ќе се осврнеме и на текот на институционалните реакции на иницијативата.

Ќе продолжи и собирањето на потписи за петицијата за зачувување на ГТЦ во неговата автентична физичка состојба.

Ве очекуваме.

Известување за медиуми- прилог.

Го сакам ГТЦ vol.5: ФОРУМ ГТЦ + работилница за деца (повик)

Од минатонеделниот ГТЦ ФОРУМ

ГТЦ ФОРУМ продолжува и овој четврток. Овој настан е дел од серијата настани во склоп на иницијативата „Го сакам ГТЦ“ која е реакција на проектот за нова фасада и доградба на Градскиот трговски центар со кој целосно би се уништила архитектурата на објектот, како и неговата урбанистичка улога на „улица“ низ централното градско јадро, продолжува.

70% од објектот на ГТЦ е јавен простор. Тој, архитектонски, претставува „реплика“ на агора/форум, која ги канализира и физички ги опслужува општествените потреби на граѓаните на Скопје во последните четири децении. Во таа смисла, ГТЦ ФОРУМ претставува надоврзување на основната функција на овој објект како јавен простор.

Петтиот настан ќе се случи на 11.07.2013, четврток, во Паркот „Жена-борец“ со почеток од 20:00 часот и по трет пат ќе биде во обликот на јавна трибина-форум.
Потврдени говорници до сега:

Сергеј Андреевски / сликар

Јасна Шоптрајанова Вртева / автор на првиот Интернет водич за кулурен туризам во Македонија

Лазо Плавевски / историчар на уметност
Елизабета Касапова / професор по историја на архитектура и уметност

Сузана Милевска / историчар на уметност

Сергеј Дамовски / скулптор

 Во дискусијата слободно ќе можат да се вклучат и сите граѓани кои сметаат дека за овој проблем треба да се разговара јавно.

Од 19:00 часот ќе биде организиран и настан „Нацртај го ГТЦ“ – ликовна работилница за деца. Ќе бидат обезбедени материјали како листови, хамери и боички, а сите цртежи ќе бидат изложени на изложбата посветена на ГТЦ која ќе се одржи во текот на јули.

Овој ГТЦ ФОРУМ ќе ни се приклучат и групата на студенти и професори (Escuela Técnica Superior de Arquitectura - Universitat Politècnica de València, Architektur, Gestaltung und Bauingenieurwesen - Zürcher Hochschule für Angewandte Wissenschaften Winterthur, Fachbereich Städtebau - Technische Universität Wien,Technische Universität Graz, School of Architecture and Design - UAC Skopje) од интернационалната летна школа Urban Urgency, која се одржува на Факултет за архитектура и дизајн на УАКС. 

http://www.urbanurgency.com/

На овој собир ќе продолжи и собирањето на потписи за петицијата за зачувување на ГТЦ во неговата автентична физичка состојба.

После говорите, од 21:00 часот ќе пушта музика Ивана Низамовска: Шизам со Низам.

Ве очекуваме.

-------------------------------------------------------------------------------------------------------------
GTC FORUM vazhdon edhe këtë të enjte. Kjo ngjarje është pjesë e një seri ngjarjesh brenda inicijativës “E dua GTC”, si reagim ndaj projektit për fasadë të re dhe rindërtim të Qendrës tregtare qytetare, I cili tërësisht do të shkatërroj arkitekturën e objektit dhe rolin e tij urbanistik si “rrugë” që kalon nëpër qendrën e qytetit.

70% nga objekti i GTC-së konsiderohet hapsirë publike. Në kuptim arkitektonik, ai paraqet “replikë” e agorës/forumit i cili i kanalizon dhe fizikisht u shërben qytetarëve të Shkupit të plotësojnë nevojat sociale gjatë katër dekadave të kaluara.

Ngjarja e pestë do të mbahet më 11.07.2013, të enjten, në parkun “Zhena-borec” duke filluar në ora 20:00, dhe sërish do të merr formën e tribinës publike- forumit. Diskutimi do të jetë i lirë për të përfshirë të gjithë qytetarët të cilët besojnë se kjo çështje duhet diskutuar publikisht.

Në ora 19:00 do të organizohet ngarja “Vizato GTC-në”- një punëtori vizatimore për fëmijë. Do të sigurohen materiale siç janë fletë, kartona dhe ngjyra, ndërsa të gjitha vizatimet do të marrin pjesë në ekspozitën dedikuar GTC-së e cila do të mbahet gjatë muajit korrik.

Në këtë GTC FORUM do të na bashkangjitet grupi i studentëve dhe profesorëve nga (Escuela Técnica Superior de Arquitectura - Universitat Politècnica de València, Architektur, Gestaltung und Bauingenieurwesen - Zürcher Hochschule für Angewandte Wissenschaften Winterthur, Fachbereich Städtebau - Technische Universität Wien, Technische Universität Graz, School of Architecture and Design - UAC Skopje), pjesëmarrës ne shkollën ndërkombëtare verore Urban Agency, e cila mbahet në Fakultetin për arkitekturë dhe dizajn në UACS,

http://www.urbanurgency.com/

Gjatë ngjarjes do të vazhdoj mbledhja e nënshkrimeve për peticionin për ruajtjen e gjendjes fizike autentike të qendrës tregtare GTC.

--------------------------------------------------------------------------------------------------------------------

Известување за медиуми- прилог.

Го сакам ГТЦ vol.4: ФОРУМ ГТЦ (повик)

од минатонеделниот ГТЦ ФОРУМ

Серијата настани „Го сакам ГТЦ“, реакција на проектот за нова фасада и доградба на Градскиот трговски центар со кој целосно би се уништила архитектурата на објектот, како и неговата урбанистичка улога на „улица“ низ централното градско јадро, продолжува. Настаните во јули се префрлаат од петочните во четврточните вечери. Резервирајте ги за ГТЦ и градот! Четвртиот настан ќе се случи на 4.07.2013, четврток, во паркот „Жена борец“ со почеток од 20:00 и повторно ќе биде во обликот на јавна трибина- форум. 70% од објектот на ГТЦ е јавен простор. Тој, архитектонски, претставува „реплика“ на агора/форум, која ги канализира и физички ги опслужува општествените потреби на граѓаните на Скопје во последните четири децении. Во таа смисла, ГТЦ ФОРУМ претставува надоврзување на основната функција на овој објект како јавен простор. Досега како говорници на ГТЦ ФОРУМ досега се најавени: Трајко Димитров, архитект и член на Архитектонската академија при ААМ Јане Чаловски, уметник, Александар Поповски, режисер Соња Абаџиева, историчар на уметноста Драган Поповски, карикатурист Александар Прокопиев, писател  Се разбира, како и претходниот пат, во дискусијата слободно ќе можат да се вклучат и сите граѓани кои сметаат дека за овој проблем треба да се разговара јавно. На овој собир ќе продолжат стандардните активности:  • собирање потписи за петицијата за зачувување на ГТЦ во неговата автентична физичка состојба; • пишување мислења за самиот ГТЦ: „Зошто го сакам ГТЦ?“; • пишување пораки, идеи и препораки до архитектите на новата псевдоисториска фасада и до управата на ГТЦ;  Дополнително, ќе бидат јавно прочитани отворените писма до надлежните и ќе биде изложен и отворен за дискусија ДУП Централно градско подрачје на град Скопје, Мал Ринг, општина Центар - изменување и дополнување од декември 2012г. Ве очекуваме. Известување за медиуми- прилог.

ПЕТИЦИЈА за зачувување на автентичноста на ГТЦ

Почнувајќи од 14.06. па навака, граѓаните имаат можност да ја потпишат петицијата за зачувување на ГТЦ во најавените термини во кои има дежурни лица и за време на настаните.
Следува текстот на петицијата:

П Е Т И Ц И Ј А

Скопје, 14.06.2013

Ние, граѓаните на Скопје, со нашиот потпис даваме поддршка за зачувување на автентичноста на еден од симболите на Скопје, објектот Градски трговски центар од проф. Живко Поповски и група автори.

Бараме да се признае вредноста на овој објект како едно од најзначајните архитектонски дела од периодот на Модерната во Скопје и да се поведе постапка за негова заштита како културно наследство на Македонија.

Бараме да престанат сите активности околу намерата за менување на изгледот и карактерот на објектот. Да не дозволиме да се направи историска грешка.

Бараме да се преземат мерки за  подобрување на сегашната состојба на објектот и тоа само преку реставрација и програмско заживување на објектот.

Каква било интервенција врз него мора да биде во согласност и со почит кон оригиналната замисла на авторот.

Бараме за каква било интервенција да има јавна расправа со професионалци од струката и со граѓаните на град Скопје.

Архитектонското наследство на градот е извор на знаење, меморија и култура кој имаме обврска да го чуваме за наредните генерации.

Градски трговски центар е и живо наследство, клучна пешачка артерија во градот. 

Бараме Градскиот трговски центaр да остане градски!

Во продолжение е додатниот текст кон петицијата:

Да го сочуваме Градскиот трговски центар затоа што е наш и затоа што:

• ГТЦ е нераскинлив дел од идентитетот на Скопје и на неговото градителско, историско и културно наследство;
• ГТЦ е дел и од нашата колективна меморија и од многуте лични интимни приказни;
• ГТЦ, изграден во 1973 година според проектот на еден од нашите најпознати архитекти и првите професори на Архитектонскиот факултет Живко Поповски и група архитекти, е антологиски пример на македонската модерна;
• ГТЦ е прилагоден на нашите климатски услови и има природна аерација, па во него е пријатен престојот во сите годишни времиња;
• ГТЦ е отворен, јавен простор во кој можеме да разгледуваме излози туркајќи точак, со ролерки, шетајќи куче или со сендвич во рака и таа слобода на движење не смееме да дозволиме да се уништи со затворање со врати, нови фасади...
• ГТЦ овозможува остварување, споделување, размена на многу мали, а важни социјални моменти;
• На ГТЦ  му треба само малку нега со реставрација преку отворен дијалог со оние кои ја обмислуваат неговата архитектура,  а и со оние кои ја живеат неговата архитектура;
• ГТЦ мора да остане автентичен, отворен, проточен, функционален...
• Градскиот трговски центар мора да остане градски!

Го сакам ГТЦ vol.3: ФОРУМ ГТЦ (повик)

На 28.06.2013 се одржа третиот настан од серијата „Го сакам ГТЦ“ насловен ФОРУМ ГТЦ. 
Ги повикавме граѓаните преку Facebook настанот со следниот повик:

ГТЦ ФОРУМ е трет од серијата настани како реакција на проектот за нова фасада и доградба на Градскиот трговски центар со кој целосно би се уништила архитектурата на објектот, како и неговата урбанистичка улога на „улица“ низ централното градско јадро.

70% од објектот на ГТЦ е јавен простор. Тој, архитектонски, претставува „реплика“ на агора/форум, која ги канализира и физички ги опслужува општествените потреби на граѓаните на Скопје во последните четири децении. 
Во таа смисла, ГТЦ ФОРУМ претставува надоврзување на основната функција на овој објект како јавен простор.

ГТЦ ФОРУМ за првпат ќе се случи на 28.06.2013, петок, во Паркот „Жена-борец“ (кај споменикот на Славко Јаневски), со почеток во 20:00 часот.

Досега го потврдиле учеството:

Никос Чаусидис
Гоце Аџимитревски
Доминика Бошкова
Зоран Петровски
Александар Писарев
Бојан Иванов
Синоличка Трпкова
Барџиева Донка
Ѕвездан Георгиевски
Абаџиева Соња
Христина Ивановска

Покрај наведените учесници, во дискусијата слободно ќе можат да се вклучат сите оние кои сметаат дека за овој проблем треба да се разговара јавно.

На овој настан повторно ќе се собираат потписи за петицијата за зачувување на ГТЦ во неговата автентична физичка состојба, ќе се пишуваат мислења за самиот ГТЦ и пораки до архитектите на новата фасада и до управата на ГТЦ, а ќе може и да си земете маички „Го сакам ГТЦ“ по набавна цена од 250 денари.

Ве очекуваме.

Го сакам ГТЦ vol.2 (повик)

На 21.06.2013 се одржа вториот настан од серијата „Го сакам ГТЦ“. 
Ги повикавме граѓаните преку Facebook настанот со следниот повик:

Серијата настани „Го сакам ГТЦ“ продолжува. Овој петок се селиме во паркот „Жена борец“, кој што се надоврзува на ГТЦ. Ве повикуваме на петочно корзо во паркот каде ќе може да ги изразиме своите мислења и идеи во врска со Градски трговски центар. Ова е агендата за утре: Петок, 21.06.2013 10:00-20:00 потпишување на петицијата на западниот влез на ГТЦ (од плоштад „Македонија“). 20:00 Пунктот за потпишување на петицијата се сели во паркот „Жена борец“ Таму ќе бидат поставени и 3 кутии во кои ќе може да оставите лист со неколку збора за следното: -Зошто го сакам ГТЦ? -пораки, препораки и идеи за ГТЦ до управата на ГТЦ -пораки до архитектите на новата фасада 21:00 Читање на искази за ГТЦ со музичка и/или филмска илустрација Настанот е инициран од Асоцијацијата на архитекти на Македонија, а е поддржан од професионалци од релевантни области и граѓани кои го сакаат и ценат ГТЦ.

Го сакам ГТЦ vol.1 (повик)

На 14.06.2013 се одржа првиот настан од серијата „Го сакам ГТЦ“.
Ги повикавме граѓаните преку Facebook настанот со следниот повик:

Иницијативата „Го сакам ГТЦ“ ги повикува граѓаните на заедничка акција за поддршка на идејата за зачувување на карактерот и духот на ГТЦ.

ГТЦ е нераскинлив дел од идентитетот на Скопје, наше градителско, историско и културно наследство. 
Секоја несоодветна промена на ГТЦ е сквернавење и на нашите спомени и лични истории.

Имаме заедничка одговорност за она што го оставаме на идните генерации.
ГТЦ мора да остане отворен, проточен за пешачко движење, функционален, автентичен, градски...

Дојдете да ја потпишеме петицијата, јавно да проговориме за ГТЦ и симболично да го гушнеме!

Петок, 14.06.2013
западен влез на ГТЦ (од плоштад „Македонија“)

10:00- 19:00 собирање потписи
18:00- јавно говорење
19:00- гушкање на ГТЦ

Настанот е инициран од Асоцијацијата на архитекти на Македонија, а е поддржан од професионалци од релевантни области и граѓани кои го сакаат и ценат ГТЦ.